Google ADS

Saimir Tahiri sërish në Gjykatën e Krimeve të Rënda

10:08 | 3 Korrik 2019
A. B.

Ish-ministri i Brendshëm Saimir Tahiri i shoqëruar nga avokati i tij Maks Haxhia në orën 09:00 ka mbërritur në gjykatën e Krimeve të Rënda për seancën e radhës. Tahiri akuzohet për “korrupsion të zyrtarëve të lartë”, “trafik të lëndëve narkotike kryer në bashkëpunim” dhe “grup të strukturuar kriminal” në kuadër të dosjes ‘Habilaj’.

Seanca e kaluar në 19 Qershor u shty, pasi nuk ishin njoftuar tre ish-zyrtarët e policisë së Vlorës; Jaeld Çela, Sokol Bode dhe Gjergji Kohila. Gjykata tha se duhet të rinjoftohen edhe njëherë tre personat e lartpërmendur, pasi nuk kanë marrë dijeni për nisjen e procesit.

Tahiri deklaroi në 19 Qershor se është i lodhur nga zvarritja e këtij procesi gjyqësor dhe ka kërkuar gjykim të shkurtuar. Sipas tij, ky proces po zvarritet më kot dhe ka dyshime se pas fshihet politika. Gjykimi i shkurtuar nuk do të thotë pranim fajësie, por që gjykimi të zhvillohet pa iu nënshtruar shqyrtimit të fashikujve gjatë procesit në themel.

Shpërndaje në rrjete sociale

Lajmet më të lexuara

Të ngjashme

Foto lajm